MLS-ի չեմպիոն ամերիկյան «Ինտեր Մայամիի» արգենտինացի հարձակվող Լիոնել Մեսսին հրավիրվել է Իսպանիայի թագավոր Ֆելիպե VI-ի և թագուհի Լետիսիայի հետ պաշտոնական ընթրիքին, հաղորդում է Marca-ն։ Միջոցառումը կկայանա իսպանական Օվիեդո քաղաքում՝ Աստուրիայի արքայադստեր մրցանակի հանձնման արարողությանը նվիրված միջոցառումների շրջանակներում։ Ընթրիքին ներկա կլինեն նաև մրցանակի մյուս դափնեկիրները։ Մեսսին Օվիեդոյի մարզապալատում կհանդիպի նաև դպրոցականների, ուսանողների և երկրպագուների հետ։