ՀՀ կառավարությունը որոշեց 2027 թվականին շարունակել ժամկետային պարտադիր զինվորական ծառայությունից զորացրված գործազուրկ անձանց, Ղարաբաղից տեղահանված անձանց, ինչպես նաև անապահովության գնահատման համակարգով անապահով ճանաչված ընտանիքի աշխատունակ անձին` աշխատանքի տեղավորման և կայուն զբաղվածության ապահովման համար մինչև 250 000 դրամ արժողությամբ կրթական էլեկտրոնային վաուչերի տրամադրման ծրագիրը։ Համապատասխան որոշումն ընդունվեց ՀՀ կառավարության այսօրվա նիստի ժամանակ։