ԵՐԵՎԱՆ, 22 հոկտեմբերի – Sputnik․ Սյունիք կատարած այցի նպատակը եղել է տեղում TRIPP-ի ենթակառուցվածքների պոտենցիալ դասավորությանը ծանոթանալը։ Կառավարության նիստում այդ մասին ասաց ՀՀ փոխվարչապետ Մհեր Գրիգորյանը։Հայտնել էինք, որ ՀՀ փոխվարչապետ Մհեր Գրիգորյանն ու տարածքային կառավարման և ենթակառուցվածքների նախարար Դավիթ Խուդաթյանը Սյունիքի մարզ են այցելել TRIPP-ի հետ կապված հարցերը տեղում քննարկելու համար։Նրա խոսքով՝ երկաթգծի հետ կապված նախագծման աշխատանքները շուտով կմեկնարկեն։ Ինչ վերաբերում է ավտոճանապարհներին, Գրիգորյանի խոսքով՝ կան բարդ անցանելի հատվածներ, և վերջնական լուծումը պետք է այնպիսին լինի, որ տարանցիկ ճանապարհը մրցունակ լինի։Նրա խոսքով՝ էլեկտրահաղորդման գծերի հետ կապված էլ ամեն ինչ պարզ է, բայց դեռ վերջնականացման հարցեր կան, և կարելի է արդեն այս երեք ենթակառուցվածքների մասով արդեն կարելի է սկսել նախագծման աշխատանքները։