Կառավարության որոշմամբ՝ վարչապետի աշխատակազմին պետական բյուջեից կհատկացվի լրացուցիչ 62 մլն 184 հազար 700 դրամ: Այս գումարից 40 մլն 544 հազար դրամը նախատեսված է արտասահմանյան գործուղումների, իսկ 21 մլն 640 հազար 700 դրամը՝ պետական սեփականություն հանդիսացող կառույցների և տարածքների պայմանների բարելավման համար: Միաժամանակ, որոշվել է վերաբաշխում կատարել. հասարակական կազմակերպություններին աջակցելու համար նախատեսված, սակայն չօգտագործված 41 մլն 813 հազար դրամն ուղղվելու է աշխատակազմի աշխատակիցների աշխատավարձերին և հավելավճարներին: Այս լրացուցիչ հատկացման անհրաժեշտությունը առաջացել է կատարողականի գնահատման արդյունքներով աշխատակիցներին խրախուսելու, ինչպես նաև 2026 թ. հուլիս-օգոստոսին Կառավարության կազմի փոփոխություններից հետո տեղի ունեցած աշխատանքից ազատումների ու ընդունումների պատճառով: –00—ՅՄ The post Վարչապետի աշխատակազմի պարգևավճարների ու աշխատավարձերի համար կհատկացվի 41.8 մլն դրամ appeared first on 24News .