ՀՀ ԱԱԾ-ն այսօր հաղորդագրություն է տարածել այն մասին, որ հոկտեմբերի 19-ին՝ 17:50-ի սահմաններում Տավուշի մարզում հայտնաբերվել է Ադրբեջանի Թովուզի շրջանի Չատախ գյուղի բնակիչ, 1968թ. ծնված Քասիմով Յաշար Ալի Օղլուն: Իրականացված ստուգողական միջոցառումների արդյունքում պարզվել է, որ նա հայտնվել է ՀՀ տարածքում մոլորվելու արդյունքում: Ձեռնարկվում են համապատասխան գործողություններ Ադրբեջանի քաղաքացուն վերադարձնելու նպատակով ,- ասված է հաղորդագրության մեջ։