Մխիթարյանի փոխանցումից հետո Աուգուստոն հաղթանակ պարգևեց «Ինտերին»՝ Չեմպիոնների լիգայում

Հայաստանի հավաքականի նախկին ավագ Հենրիխ Մխիթարյանի արդյունավետ փոխանցման շնորհիվ Միլանի Ինտերը Չեմպիոնների լիգայի ընդհանուր փուլի երրորդ տուրում նվազագույն հաշվով հաղթեց Դոնեցկի Շախտյորին։ Հոկտեմբերի 21-ին Սան Սիրո մարզադաշտում կայացած հանդիպումն ավարտվեց 1։0 հաշվով։ Հաղթական գոլը 77-րդ րոպեին խփեց բրազիլացի պաշտպան Կառլոս Աուգուստոն՝ եզրափակելով Մխիթարյանի փոխանցումը։ Հանդիպման 68-րդ րոպեից Ինտերը խաղում էր տասը ֆուտբոլիստով․ Ալեսանդրո Բաստոնին երկրորդ դեղին քարտն ստանալուց հետո հեռացվեց խաղադաշտից։ Այս հաղթանակով Ինտերը վաստակեց Չեմպիոնների լիգայի ընդհանուր փուլի առաջին երեք միավորը՝ ընդհատելով մրցաշարի մեկնարկային երկու պարտություններից հետո ձևավորված անհաջող շարքը։ Միլանյան թիմը նախ պարտվել էր Մադրիդի Ռեալին և բելգիական Բրյուգեին։ Տեսանյութն այստեղ Carlos Augusto GOAL with a great finish! Assist by Henrikh Mkhitaryan! 🇧🇷⚽️⚫️🔵 https://t.co/JTjC9Z89UA