ՀՀ ԿԳՄՍ նախարարության և Բելգիայի Թագավորության Գենտի համալսարանի միջև հեռավար ձևաչափով ստորագրվել է հայագիտական դասընթացներ իրականացնելու մասին փոխըմբռնման հուշագիր: Հուշագրի շրջանակում Գենտի համալսարանում կիրականացվեն Հայաստանի մշակույթի և պատմության դասընթացներ, կկազմակերպվեն աշխատաժողովներ, սեմինարներ, թեմատիկ գիտական օրեր, գործող դասընթացների շրջանակում կմշակվեն ուսումնական մոդուլներ, ինչպես նաև կկազմակերպվեն հայագիտությանը վերաբերող հանրային իրազեկման միջոցառումներ: Ներկայումս աշխարհի 11 երկրների 14 առաջատար համալսարաններում գործում են Հայաստանի ուսումնասիրությանն ուղղված ծրագրեր և կենտրոններ։ Դրանց թվում են Հռոմի Սապիենցա համալսարանը, Վենետիկի Կա՛ Ֆոսկարի համալսարանը, Զալցբուրգի համալսարանը, Մադրիդի Կոմպլուտենսե համալսարանը և Կահիրեի համալսարանը։ The post Գենտի համալսարանում հայագիտական դասընթացներ կանցկացվեն appeared first on Alphanews .