ԵՐԵՎԱՆ, 21 հոկտեմբերի – Sputnik. Կոտայքի մարզի Նաիրի խոշորացված համայնքի բնակավայրերից մեկում 13-ամյա երեխան հոսանքահարվել է ու այրվածքներով տեղափոխվել «Այրվածքաբանության ազգային կենտրոն»։ Այս մասին գրում է shamshyan.com–ը։Նշվում է, որ հոկտեմբերի 18-ին, ժամը 22:00-ի սահմաններում Այրվածքաբանության ազգային կենտրոնից ահազանգ է ստացվել ոստիկանություն, որ «էլեկտրահարություն, էլեկտրական այրվածք 3-րդ և 4-րդ աստիճանի գլխի և վերին վերջույթների, թիկունքի շրջանում» ախտորոշմամբ իրենց մոտ է տեղափոխվել տղա երեխա։Դեպքի փաստով ոստիկանության Նաիրիի բաժնում փաստաթղթեր են կազմվել, որոնք փոխանցվել են ՀՀ քննչական կոմիտե։ Նախաձեռնվել է քրեական վարույթ։