Հայ օպերային երգչուհի Արփի Սինանյանը դարձել է Գերմանիայում անցկացվող NEUE STIMMEN հեղինակավոր միջազգային վոկալ մրցույթի հաղթողը։ Երգչուհին առաջին մրցանակն է նվաճել կանանց անվանակարգում՝ ստանալով նաև 15 հազար եվրո դրամական պարգև։ Մրցույթի եզրափակիչ փուլն անցկացվել է Գյուտերսլոյի Stadthalle համերգասրահում, որտեղ ելույթ են ունեցել աշխարհի տարբեր երկրներից ժամանած ութ երիտասարդ օպերային կատարողներ։ Արփի Սինանյանը ծնվել է Գեղարքունիքի մարզի Գավառ քաղաքում։ Ավարտել է Առնո Բաբաջանյանի անվան երաժշտամանկավարժական քոլեջը, ապա ուսումը շարունակել Ալեքսանդր Սպենդիարյանի անվան ազգային ակադեմիական օպերայի և բալետի թատրոնի երիտասարդական օպերային ծրագրում։ NEUE STIMMEN միջազգային մրցույթն անցկացվում է 1987 թվականից։ Դրա նպատակն է աջակցել երիտասարդ օպերային տաղանդներին և նպաստել նրանց համագործակցությանը աշխարհի առաջատար օպերային թատրոնների հետ։ The post Համաշխարհային օպերայի նոր անուն․ Արփի Սինանյանը հաղթել է NEUE STIMMEN մրցույթում appeared first on Alphanews .