Սաուդյան Արաբիայի «Ալ Նասր» ակումբը կարող է վաճառքի հանվել 184 միլիոն եվրո պարտքի պատճառով, հաղորդում է Bloomberg-ը: Աղբյուրի փոխանցմամբ՝ իտալական «Միլանի» և ֆրանսիական «Թուլուզի» սեփականատեր RedBird Capital Partners-ը բանակցություններ է վարում ակումբում հնարավոր ներդրումների շուրջ, իսկ սաուդյան թիմի հարձակվող Կրիշտիանու Ռոնալդուն կարող է ձեռք բերել «Ալ Նասրի» բաժնետոմսերի մինչև 20 տոկոսը: Սաուդյան Արաբիայի ընթացիկ առաջնության 8 տուրից հետո «Ալ Նասրը» 19 միավորով երրորդն է։