Վրացական գինու արտահանումը նվազել է

Այս տարի Վրաստանից գինու արտահանումը ծավալով նվազել է 6%-ով, իսկ արժեքային արտահայտությամբ՝ 0.6%-ով։ Ավելի կոնկրետ, ըստ վիճակագրության՝ 2026 թվականի 9 ամիսների տվյալներով՝ Վրաստանն արտահանել է 188.7 միլիոն ԱՄՆ դոլարի գինի, որից 119.7 միլիոն ԱՄՆ դոլարը բաժին է ընկել Ռուսաստանին, ինչը կազմում է ամբողջ արտահանման 63.4%-ը։ Չնայած նրան, որ արտահանման կեսից ավելին կրկին բաժին է ընկնում Ռուսաստանին, անկումն այս շուկայում ևս կազմում է 0.3%։ հունվար-սեպտեմբեր ամիսներին Վրաստանը ամենաշատը վաճառել է խաղողի բնական գինի հետևյալ երկրներին. Ռուսաստան – 119.8 մլն ԱՄՆ դոլարի 40 հազար 999 տոննա Լեհաստան – 11.8 մլն ԱՄՆ դոլարի 4466 տոննա Ուկրաինա – 8.1 մլն ԱՄՆ դոլարի 2933 տոննա Չինաստան – 6.5 մլն ԱՄՆ դոլարի 1223 տոննա Ղազախստան – 5.9 մլն ԱՄՆ դոլարի 1772 տոննա Գերմանիա – 5.5 մլն ԱՄՆ դոլարի 1145 տոննա Բելառուս – 4.8 մլն ԱՄՆ դոլարի 1751 տոննա ԱՄՆ – 4.4 մլն ԱՄՆ դոլարի 748 տոննա Լատվիա – 3.7 մլն ԱՄՆ դոլարի 836 տոննա Թուրքիա – 2.5 մլն ԱՄՆ դոլարի 460 տոննա։ Հիշեցնենք, որ Ռուսաստանը ժամանակավորապես սահմանափակել է վրացական արտադրության գինու և ոչ ալկոհոլային ըմպելիքների մի մասի ներմուծումը։ Ռուսական ԶԼՄ-ների համաձայն՝ ռուսական կարգավորող մարմինը հայտնաբերել է վաճառքի համար արգելված ըմպելիքներ, որոնք չեն համապատասխանում սահմանված պահանջներին՝ օրգանոլեպտիկ, ֆիզիկաքիմիական և անվտանգության ցուցանիշներով։ The post Վրացական գինու արտահանումը նվազել է appeared first on AliQ Media .