Դուք Հայաստանում եք գտնվում Երևանում անցկացվող COP17-ին մասնակցելու նպատակով։ Դուք իրավաբան եք, ով մեծ հնարավորություն է ունեցել իր մասնագիտական գործունեության ընթացքում առաջ մղել և ամրապնդել «շրջակա միջավայր և մարդու իրավունքներ» օրակարգը։ Ավելին, դուք զգալի ներդրում եք ունեցել Կենսաբազմազանության մասին կոնվենցիայում մարդու իրավունքների մոտեցումը ներառելու հարցում։ Նախ, անդրադառնանք այն հարցին, թե ի՞նչ կտա COP17-ը, մասնավորապես՝ «շրջակա միջավայր-մարդու իրավունքներ» օրակարգում։ Կենսաբազմազանության մասին կոնվենցիայի նախաբանում նշվում է․ «Ճանաչելով նաև կանանց կենսական դերը կենսաբանական բազմազանության պահպանման և կայուն օգտագործման գործում և հաստատելով կանանց լիարժեք մասնակցության անհրաժեշտությունը կենսաբանական բազմազանության պահպանման քաղաքականության մշակման և իրականացման բոլոր մակարդակներում»։ Եկեք մասնավորեցնենք, թե ինչ նպատակներ են դրվում ասվածի ներքո և ինչպե՞ս է կոնվենցիայում կանանց դերն ու ներգրավվածությունը կարգավորվում։ Խոսվեց կանանց լիարժեք մասնակցության մասին։ Արդյո՞ք լիարժեք ու արդյունավետ մասնակցությունը հավասարեցվում են, և որո՞նք են մոնիտորինգային մեխանիզմներն ու չափման ինդիկատորները։ Կոնվենցիոն կարգավորմանը զուգահեռ կարևորվում է կոնվենցիայի կատարման պրակտիկան։ Տարբեր պետություններ արձանագրում են տարբեր արդյունքներ։ Եթե խմբավորենք արդյունքները, ապա որո՞նք են pacta sunt servanda սկզբունքի լիարժեք չկատարման պատճառներն ու հիմքերը։ Հիշատակենք Կունմինգ-Մոնրեալ կենսաբազմազանության գլոբալ շրջանակը, որն, ըստ էության, ամրագրեց գենդերազգայուն (գենդեր-արձագանքող) մոտեցումն այս հարցերում։ Ինչքանո՞վ են պետություններն այդ ուղերձները պրակտիկ լուծումների վերածել։ Իրավական ի՞նչ կարգավորումներ են անհրաժեշտ այսօր պետություններին «կանայք և կենսաբազմազանություն» օրակարգի պաշտպանությունը ամրապնդելու համար։ COP17-ը կարող է արձանագրել արդյունքներ՝ միտված կանանց առաջնորդությանը, գենդերային հավասարության հետ կապված հարցերին՝ սկսած նրանց լիարժեք մասնակցությունից մինչև կենսաբազմազանության ֆինանսավորման հարցերը։ «Ձեր փաստաբանի» տաղավարում իրավաբան Կլաուդիա Իտուարտե-Լիման է։