ԱԳՄԱ նախարար Արարատ Միրզոյանը հաստատապես չգիտի՝ Շաքիի տներից մեկը մտած ադրբեջանցի զինծառայողը մոլորվե՞լ է, թե փախել։ «Ես որևէ տեղեկատվության չեմ տիրապետում»,-այսօր լրագրողների հետ ճեպազրույցի ժամանակ ասաց նա։ ԶԼՄ ներկայացուցիչները հետաքրքրվեցին՝ հնարավո՞ր է, որ ադրբեջանցի զինծառայողին գերիներով փոխարինեն։ Ի պատասխան՝ նախարարը նկատեց. «Մոլորյալներին մոլորյալներով են փոխարինում՝ բարի կամքով և կառուցողական մթնոլորտով։ Քիչ առաջ տեղեկություն տեսանք նաև հովվի մոլորվելու մասին։ Ես ձեզ վստահեցնում եմ՝ լինում են նաև հայկական կողմից ճանապարհը կորցրած, մոլորված զինվորներ, հովիվներ, կենդանիներ, և դրանք պայմանավորվածություններ են և, չնայած ընդդիմության ջանքերին, մենք կշարունակենք այդ պայմանավորվածությունները։ Համենայնդեպս ես դրանք պահելու կողմնակիցն եմ»։ Անդրադառնալով Շաքիի դեպքին՝ Արարատ Միրզոյանը հայտարարեց՝ դեռ կպարզվի՝ արդյոք ադրբեջանցի զինծառայողը մոլորվել է, թե դիտմամբ է սահմանն անցել։ «Սակայն անկախ հանգամանքից՝ տեղի է ունեցել հանցագործություն։ Սա լրիվ փոխում է պատկերը, և ՀՀ օրենսդրության համաձայն՝ բոլոր կետերը պետք է պահենք։ Սա չի գնում էն մյուս մոլորյալների շարք»,- ասաց նախարարը։ The post Մոլորյալներին մոլորյալներով են փոխարինում. Շաքիի դեպքը չի գնում մոլորյալների շարք. Միրզոյան appeared first on Ազգ .