news.am Հունաստանի ոստիկանությունն Աթենքում և Սալոնիկում ուսանողական ցույցերի ժամանակ 20 մարդու է բերման ենթարկել, հայտնում է «Skai» հեռուստաալիքը՝ հղում անելով ոստիկանությանը։ Երեքշաբթի ողջ Հունաստանում տեղի է ունենում կրթության ոլորտի աշխատակիցների գործադուլ. մանկավարժները պահանջում են աշխատավարձերի բարձրացում և աշխատանքային պայմանների բարելավում։ «Աթենքում բերման ենթարկվածների թիվը հասել է տասի… Սալոնիկում այս պահին տասը մարդ է բերման ենթարկվել»,- հաղորդում է հեռուստաալիքը։ «Skai»-ի տվյալներով՝ Սալոնիկում ցույցին մասնակցում է 2,5 հազար մարդ, իսկ Աթենքում՝ 1,5 հազար։ Նրանց թվում են ուսանողներ, դպրոցականներ և կրթության ոլորտի աշխատակիցներ։ Բողոքի ակցիաների օրը Հունաստանի մայրաքաղաքում պարեկություն է իրականացնելու մոտ երեք հազար ոստիկան, իսկ Աթենքի և Սալոնիկի կենտրոնում մի շարք փողոցներ են փակվել, նշում է հեռուստաալիքը։ The post Հունաստանում ուսանողական բողոքի ցույցերի ժամանակ 20 մարդ է ձերբակալվել | news.am appeared first on Infocom .