«Ուժեղ Հայաստան» խմբակցության պատգամավոր Իրինա Յոլյանը «Թրամփի ուղի» համաձայնագրի շուրջ քննարկման ժամանակ հայտարարեց, որ քանի դեռ խաղաղության պայմանագիրը ստորագրված չէ, իսկ Ադրբեջանը շարունակում է զավթողական քաղաքականություն վարել, TRIPP նախագիծը դառնում է խիստ խոցելի։ Յոլյանը նշեց, որ իշխանությունների քայլերը փաստացի միակողմանի զիջումներ են, և հարց բարձրացրեց, թե արդյոք ամերիկյան կողմի հետ քննարկվել են հնարավոր էսկալացիայի և անվտանգության ռիսկերը։ Ի պատասխան Միրզոյանի ասաց․ «Հայաստանի Հանրապետության կառավարությունը Հայաստանի Հանրապետության տարածքից ոչի՛նչ չի զիջել։ Գնացեք, մտածեք, փորձեք հակափաստարկ բերել։ Հայաստանի Հանրապետության կառավարությունը Հայաստանի Հանրապետության տարածքից ոչի՛նչ չի զիջել»։ Միրզոյանը նշեց, որ անվտանգային բոլոր հարցերը քննարկվում են գործընկերների հետ, սակայն ներկայիս անկանխատեսելի աշխարհաքաղաքական իրավիճակում որևէ մեկը բացարձակ երաշխիքներ տալ չի կարող։ Մանրամասները՝ տեսանյութում։ Անի Թամրազյան