Նույնիսկ եթե ԵԱՏՄ-ից դուրս գալու տնտեսական հետևանքների վերաբերյալ հաշվարկների միայն 50 տոկոսն իրականություն դառնա, Հայաստանին կարող է շատ լուրջ, անգամ ապոկալիպտիկ ապագա սպասել։ Այս մասին ԱԺ-ում հայտարարել է «Հայաստան» խմբակցության քարտուղար Արթուր Խաչատրյանը։ Պատգամավորի խոսքով՝ տնտեսական հաշվարկների հիմքում ոչ միայն թվեր են, այլև քաղաքական ուղերձներ։ Նա կասկածի տակ է դրել նաև Հայաստանից Ուզբեկստան ծիրանի արտահանման վերաբերյալ վիճակագրական տվյալների համապատասխանությունը։ «Հիմա ես կուզենամ՝ տարին փակվի, մի հատ Օմանի վիճակագրությունն էլ նայեմ, որովհետև խոսում էին Ուզբեկստան ծիրան արտահանելու մասին։ Ուզբեկական վիճակագրությունը տեսել եմ, թվերի հետ մի քիչ անհամատեղելիություն կա։ Շատ քիչ է եղել Ուզբեկստանի հետ կապված, մի քիչ խնդիր կա վիճակագրության հետ կապված։ Բայց և այնպես, եկեք հասկանանք, որ տնտեսական հաշվարկների ներքո կար նաև, հիմնականում, քաղաքական ուղերձ»,- ասել է Խաչատրյանը։ Նա ընդգծել է, որ ԵԱՏՄ-ից դուրս գալու հնարավոր տնտեսական հետևանքները գնահատելիս պետք է հաշվի առնել ոչ միայն արտահանման այլընտրանքային շուկաները, այլև Հայաստանի համար գործող տնտեսական արտոնությունների կորուստը։ The post ԵԱՏՄ-ից դուրս գալու տնտեսական հետևանքները կարող են աղետալի լինել․ Արթուր Խաչատրյան appeared first on Alphanews .