Սանկտ Պետերբուրգում հանդիպել են Ռուսաստանի նախագահ Վլադիմիր Պուտինն ու ԱՄՆ նախագահի հատուկ բանագնաց Սթիվ Ուիթքոֆը։ Դոնալդ Թրամփի ներկայացուցիչը Ռուսաստան է մեկնել խաղաղ կարգավորման նոր առաջարկներով՝ Օսլոյում Ուկրաինայի նախագահ Վլադիմիր Զելենսկիի հետ բանակցություններից հետո։ Զելենսկին հայտարարել է, որ Կիևը պատրաստ է քննարկել հրադադարի տարբերակներ, այդ թվում՝ ներկայիս ռազմաճակատի գծով։ Մոսկվան, սակայն, պնդում է, որ անհրաժեշտ է ոչ թե ժամանակավոր հրադադար, այլ հակամարտության երկարաժամկետ կարգավորում։