ՀՀ ՆԳՆ Միգրացիայի և քաղաքացիության ծառայությունը (ՄՔԾ) տեղեկացնում է, որ նոր կենսաչափական համակարգի ներդրմամբ պայմանավորված՝ փոխվում է փաստաթղթավորման հերթագրման կարգը։ Ծառայությունն ամբողջությամբ չեղարկում է նույնականացման քարտերի (ID card) և անձնագրերի համար նախկինում կատարված ուշ ժամկետների հերթագրումները։ Ինչու է դա կարևոր. Հոկտեմբերի 31-ից «Հայփաս» համակարգի (haypass.am) միջոցով գործարկվող նոր կենսաչափական նախագրանցման հարթակին ընդառաջ՝ քաղաքացիներին առաջարկվում են հետևյալ լուծումները. Նոր կենսաչափական փաստաթուղթ ստանալու համար. Չեղարկման ծանուցում ստացած քաղաքացիները պետք է սպասեն և նոյեմբերի 1-ից հետո հերթագրվեն նոր համակարգով: Հին նմուշի փաստաթուղթ ստանալու համար. Քաղաքացիները կարող են մինչև առաջիկա շաբաթվա ավարտը մոտենալ ՄՔԾ ցանկացած ստորաբաժանում և օգտվել ծառայությունից կենդանի հերթի ձևաչափով: ՄՔԾ հայտարարության առանցքային դրույթները. Ուշ հերթագրումների չեղարկում. Հին համակարգով ամրագրված ուշ ամսաթվերի հերթագրումները չեղարկվում են: Նոր կենսաչափական փաստաթղթեր. Նոյեմբերի 1-ից կբացվի նոր ձևաչափով հերթագրումը։ Հին նմուշի անձնագրեր/ID քարտեր. Մինչև ընթացիկ շաբաթվա վերջ գործում է սպասարկում կենդանի հերթով՝ ՄՔԾ բոլոր տարածքային ստորաբաժանումներում։