Ադրբեջանը Թուրքիայի 31 քաղաքացու ներառել է «անցանկալի անձանց» ցուցակում՝ արգելելով նրանց մուտքը երկիր։ Ադրբեջանի արտաքին գործերի նախարարության հաղորդմամբ՝ որոշման համար հիմք են հանդիսացել այդ անձանց՝ սոցիալական ցանցերում և համացանցային հարթակներում արած հայտարարությունները, որոնք, ըստ ադրբեջանական կողմի, ուղղված են եղել երկրի ինքնիշխանության, ազգային անվտանգության, սահմանադրական կարգի, ժողովրդի և ղեկավարության դեմ, ինչպես նաև պարունակել են իշխանությունը բռնի ուժով փոխելու կոչեր և կրոնական ատելություն ու թշնամանք հրահրող բովանդակություն։ Ցուցակում ընդգրկվածների թվում են լրագրողներ, բլոգերներ, գրողներ, քաղաքական և հասարակական գործիչներ, կրոնական ոլորտի ներկայացուցիչներ, ինչպես նաև Թուրքիայի «Նորից բարգավաճում» կուսակցության նախագահ Ֆաթիհ Էրբաքանը և Թուրքիայի խորհրդարանի պատգամավոր Օմեր Ֆարուք Գերգերլիօղլուն։ Ադրբեջանի ԱԳՆ-ն հայտարարել է, որ երկրի դեմ ուղղված կոչերին և թշնամանք հրահրող գործողություններին ի պատասխան՝ համապատասխան միջոցառումները կշարունակվեն նաև հետագայում։ The post Ադրբեջանը Թուրքիայի 31 քաղաքացու ներառել է «անցանկալի անձանց» ցուցակում appeared first on Infocom .