Հայաստանում Մեծամորի ատոմակայանի հետագա շահագործման՝ տարածաշրջանի համար իբր վտանգավոր լինելու մասին որոշ լրագրողների պնդումները տարակուսանք են առաջացնում։ Այս մասին հայտարարել է ՌԴ արտաքին գործերի նախարարության պաշտոնական ներկայացուցիչ Մարիա Զախարովան։ Նրա խոսքով՝ «Ռոսատոմ»-ը պատասխանատու մոտեցում է ցուցաբերում իր պարտավորությունների կատարմանը։ «Հաշվի առնելով, որ Մեծամորի ատոմակայանի հիմնական գործընկերը «Ռոսատոմ» պետական կորպորացիան է, որը միշտ պատասխանատու մոտեցում է ցուցաբերում իր պարտավորությունների կատարմանը, առանձին լրագրողների պնդումները ոչինչ չեն առաջացնում, բացի տարակուսանքից և հարցերից՝ մասնավորապես, թե ում հրահանգներն են նրանք կատարում»,- ասել է Զախարովան՝ մեկնաբանելով ԶԼՄ-ներում հայտնված հրապարակումները, որոնցում կասկածի տակ է դրվում ատոմակայանի անվտանգությունը։ Նրա խոսքով՝ նման հրապարակումները պայմանավորված են ռուս-հայկական ատոմային էներգետիկայի նախագծին վնասելու ինչ-որ մեկի ցանկությամբ։ The post Հայկական ԱԷԿ-ի շահագործման վտանգավորության մասին պնդումները տարակուսանք են առաջացնում․ Զախարովա appeared first on Alphanews .