Արտգործնախարար Արարատ Միրզոյանը չի հերքում Տավուշում ադրբեջանցի հովիվի հայտնվելու մասին տեղեկությունները: «Լինում են էդպիսի դեպքեր, փառք Աստծո, երկու կողմն էլ կառուցողական են վերաբերվում, օգնում են, վերադարձնում են»,-- այսօր Ազգային ժողովում հայտարարեց Միրզոյանը: Այսօր ավելի վաղ «5-րդ ալիքն» էր գրել, թե ադրբեջանցի հովիվ է հատել Հայաստանի սահմանը, նրան հայտնաբերել են, և նա Բերդ քաղաքի ռազմական ոստիկանությունում է: Պետական իրավասու կառույցները՝ ԱԱԾ- ն, ՊՆ-ն առայժմ պարզաբանում չեն տվել դեպքի մասին, բայց և ժամեր շարունակ չեն հերքել տեղեկությունը: Տավուշի մարզի համայնքապետերից ոմանք «Ազատությանն» ասել են, որ դեպքի մասին իրենք էլ են լսել: