Ճապոնական ընկերության կողմից Ուկրաինային անօդաչու թռչող սարքերի մատակարարումը Ռուսաստանի դեմ թշնամական քայլ է։ Այս մասին հայտարարել է Ռուսաստանի արտաքին գործերի նախարարության խոսնակ Մարիա Զախարովան։ «Մենք սա (ճապոնական ընկերության կողմից անօդաչու թռչող սարքերի մատակարարումը Ուկրաինա – խմբ.) դիտարկում ենք որպես բացահայտ թշնամական քայլ, որը ձեռնարկվել է ռուսական կողմից նման գործողությունների անընդունելիության մասին բազմիցս նախազգուշացումներին հակառակ», – ասել է Զախարովան ճեպազրույցի ժամանակ։