Երեւան: Մեդիամաքս: ՀՀ արտգործնախարար Արարատ Միրզոյանն այսօր ասել է, որ ԹՐԻՓՓ նախագիծը Հայաստանի եւ ԱՄՆ-ի միջեւ «տնտեսական համագործակցության նոր՝ երբեւէ չունեցած մակարդակ է»: Հասկանալի է, որ ԱՄՆ-ն ունենալու է իր էական մասնակցությունը եւ հետապնդելու է իր տնտեսական շահերը: Սա համաձայնագիր է Հայաստանի եւ ԱՄՆ-ի միջեւ, որի նպատակն է կանոնակարգել TRIPP ընկերության գործունեությունը եւ դրա հետագա կառավարումը: Սա այն ընկերությունն է, որը հետագայում կառուցելու եւ կառավարելու է նախագիծը, ստանալու է կոնցեսիոն իրավունքներ ,- Ազգային ժողովի արտաքին հարաբերությունների մշտական հանձնաժողովի նիստում ասել է Արարատ Միրզոյանը՝ ներկայացնելով ՀՀ-ի եւ ԱՄՆ-ի միջեւ Թրամփի ուղի՝ հանուն միջազգային խաղաղության եւ բարգավաճման նախագծի վերաբերյալ ռազմավարական համագործակցության մասին շրջանակային համաձայնագիրը վավերացնելու մասին նախագիծը: Նա նշել է, որ համաձայնագրի վավերացումից հետո անհրաժեշտ կլինի կատարել եւս 1-2 փաստաթղթային քայլ. Պետք է ստորագրենք բաժնետերերի պայմանագիրը, հաստատենք ընկերության կանոնադրությունը. այսքանով TRIPP-ի գործարկման համար անհրաժեշտ հիմնարար փաստաթղթային քայլերը կատարված կլինեն : ԱԳ նախարարի խոսքով՝ որեւէ ենթակառուցվածք, որը գործելու է, եւ որեւէ հարաբերություն, որը հաստատվելու է, ամբողջությամբ տեղի է ունենալու ինքնիշխանություն, տարածքային ամբողջականություն, իրավազորություն շրջանակում : ԹՐԻՓՓ-ը քաղաքացիների կյանքը լավացնելու ու հեշտացնելու համար է։ Չեմ կարող պատկերացնել որեւէ ողջամիտ մարդ, որը կասի՝ մեզ դա պետք չէ ,- նշել է նա։