ԱՄՆ-ը շատ մոտ է Հնդկաստանի հետ առևտրային համաձայնագրի կնքմանը։ Այս մասին Սպիտակ տանը լրագրողների հետ զրույցում հայտարարել է ԱՄՆ նախագահ Դոնալդ Թրամփը։ Պատասխանելով ԱՄՆ-ի և Հնդկաստանի միջև առևտրային պայմանավորվածությունների հասնելու հնարավորության մասին հարցին՝ Թրամփն ասել է. «Նրանք ցանկանում են գործարք կնքել, և մենք գործարք կկնքենք։ Դրան հասնելը բավականին մոտ է»։ ԱՄՆ նախագահի խոսքով՝ նախատեսվող համաձայնագիրը «էապես կտարբերվի» այն առևտրային համաձայնագրերից, որոնք ԱՄՆ-ն ավելի վաղ կնքել է մի շարք այլ երկրների հետ։