Իրանի պաշտպանության նոր նախարար է նշանակվել Օդատիեզերական արդյունաբերության կազմակերպության նախկին ղեկավար Մեհրդադ Էհլակին։ Նա այդ պաշտոնում փոխարինել է Ազիզ Նասիրզադեին, որը զոհվել էր փետրվարի 28-ին՝ ԱՄՆ-ի և Իսրայելի հարվածների հետևանքով։ Էհլակին համարվում է երկրի ռազմարդյունաբերական համալիրի ամենափորձառու ղեկավարներից մեկը, հատկապես՝ բալիստիկ հրթիռների ոլորտում։ Տասնամյակներ շարունակ լինելով Իրանի ռազմատեխնոկրատական վերնախավի ներկայացուցիչ՝ նա ակտիվորեն մասնակցել է երկրի պաշտպանական ներուժի զարգացմանը։ Նրա նշանակումն արտացոլում է Պաշտպանության նախարարության ռազմավարական ուղեգիծը․ նախապատվությունը տրվել է ոչ թե մարտական փորձ ունեցող գեներալի, այլ պինդ վառելիքով աշխատող հրթիռների արտադրության մասնագետի։ Սա վկայում է, որ Իրանն առաջնահերթություն է համարում հրթիռային ներուժի ամրապնդումն ու դրա արտադրության ծավալների ընդլայնումը։ The post Իրանի պաշտպանության նախարար է նշանակվել Մեհրդադ Էհլակին appeared first on Alphanews .