Հոկտեմբերի 18-ին Տաջիկստանի տարածքում մեկնարկել են Հավաքական անվտանգության պայմանագրի կազմակերպության (ՀԱՊԿ) «Կոբալտ-2026» հատուկ զորավարժությունները։ Դրանք անցկացվում են ՀԱՊԿ-ի արագ արձագանքման հավաքական ուժերի հատուկ նշանակության ուժերի ստորաբաժանումների մասնակցությամբ։ Զորավարժություններին ներգրավված են ներքին գործերի մարմինների, ազգային անվտանգության ծառայությունների, ներքին զորքերի (ազգային գվարդիայի), հատուկ և հակաթմրանյութային ծառայությունների, ինչպես նաև փրկարարական ստորաբաժանումների ներկայացուցիչներ։ Մասնակիցներին ողջունել են ՀԱՊԿ գլխավոր քարտուղարի տեղակալ Վալերի Սեմերիկովը և Տաջիկստանի ներքին գործերի նախարարի տեղակալ, ներքին ծառայության գեներալ-մայոր Նոզիմ Իբրոխիմզոդան։ Նրանք ընդգծել են ՀԱՊԿ հավաքական ուժերի ստորաբաժանումների պատրաստության միջոցառումների կարևորությունը կազմակերպության անվտանգության միասնական համակարգում՝ ներկայիս ռազմաքաղաքական իրադրության պայմաններում, ինչպես նաև մասնագիտական պատրաստվածության շարունակական կատարելագործման անհրաժեշտությունը։ —00—ՍՊ The post Տաջիկստանում մեկնարկել են ՀԱՊԿ-ի «Կոբալտ-2026» հատուկ զորավարժությունները appeared first on 24News .