Հիդրոօդերևութաբանության և մոնիթորինգի կենտրոնը ներկայացրել է Սևանա լճի հիդրոլոգիական ռեժիմի տվյալները 2026 թվականի հոկտեմբերի 12-18-ն ընկած ժամանակահատվածի համար։ Կենտրոնի տվյալներով՝ նշված ժամանակահատվածում Սևանա լճի մակարդակն իջել է 2 սմ-ով և հոկտեմբերի 18-ի դրությամբ կազմել 1900.58 մետր։ Լճի մակարդակը նախորդ տարվա նույն օրվա համեմատ բարձր է եղել 22 սմ-ով, իսկ 2026 թվականի հունվարի 1-ի մակարդակից՝ 36 սմ-ով։ Ինչ վերաբերում է Արփա-Սևան ջրատարով լիճ տեղափոխված ջրի ծավալին, ապա հոկտեմբերի 12-18-ն ընկած ժամանակահատվածում այն կազմել է 0.515 մլն խմ։ 2026 թվականի հունվարի 1-ից մինչև հոկտեմբերի 18-ը ներառյալ՝ Արփա-Սևան ջրատարով Սևանա լիճ տեղափոխված ջրի ընդհանուր ծավալը կազմել է 176.785 մլն խմ։