Սամցխե-Ջավախքի տարածաշրջանում պետական լիազոր ներկայացուցիչ Իոսեբ Ալիբեգաշվիլին, Բորժոմիի մունիցիպալիտետի քաղաքապետ Մամուկա Գելաշվիլիի հետ միասին, մասնակցել է Բորժոմիում անցկացված անվճար բժշկական արշավին։ Արշավի շրջանակում շուրջ 300 քաղաքացի հնարավորություն է ունեցել երկրի առաջատար կլինիկաների ակադեմիական անձնակազմից անվճար բժշկական խորհրդատվություն ստանալու, ինչպես նաև ախտորոշիչ և գործիքային հետազոտություններ անցնելու։ Քաղաքացիներին բժշկական ծառայություններ են մատուցվել հետևյալ ուղղություններով՝ թերապիա, սրտաբանություն, նյարդաբանություն, ակնաբուժություն, էնդոկրինոլոգիա, ռադիոլոգիա, մամոլոգիա, գինեկոլոգիա, ուրոլոգիա, անգիոլոգիա, վիրաբուժություն, վնասվածքաբանություն, թոքաբանություն և քիթ-կոկորդ-ականջաբանություն։ Արշավի շրջանակում կատարվել են նաև էլեկտրասրտագրություն, սրտի էխոսրտագրություն և տարբեր օրգան-համակարգերի ուլտրաձայնային հետազոտություններ։ Արշավը անցկացվել է Վրաստանի խորհրդարանի, Բորժոմիի մունիցիպալիտետի քաղաքապետարանի և «Ջեո Հոսպիտալսի» Բորժոմիի բազմապրոֆիլ բժշկական կենտրոնի աջակցությամբ՝ «Վրացական երազանք՝ առողջ ապագա» կազմակերպության նախաձեռնությամբ։ «Վրացական երազանք՝ առողջ ապագա» կազմակերպությունը Վրաստանի խորհրդարանի աջակցությամբ երկրի մասշտաբով ավելի քան 200 հազար քաղաքացու տրամադրել է անվճար բժշկական խորհրդատվություն և իրականացրել տարբեր հետազոտություններ։ Նրանց թվում եղել են սոցիալապես անապահով անձինք, դպրոցների և մանկապարտեզների մանկավարժներ, վետերաններ և նրանց ընտանիքների անդամներ, քրեակատարողական հիմնարկների շահառուներ, ինչպես նաև սահմանամերձ և օկուպացված տարածքներում բնակվող քաղաքացիներ։ Անվճար բժշկական ծրագրի իրականացումը կշարունակվի նաև առաջիկայում՝ ավելի շատ քաղաքացիների հնարավորություն տալով օգտվելու բժշկական խորհրդատվություններից և հետազոտություններից։ Միջոցառմանը ներկա են եղել նաև պետական լիազոր ներկայացուցչի տեղակալ Վախթանգ Մերաբիշվիլին, Բորժոմիի մունիցիպալիտետի քաղաքապետի տեղակալներ Բիբո Պապիձեն և Գելա Մաղրաձեն, «Վրացական երազանք՝ առողջ ապագա» կազմակերպության նախագահ Քեթի Բարաթելին, ինչպես նաև տեղական ինքնակառավարման այլ ներկայացուցիչներ։ Գրառումը Բորժոմիում անցկացվել է անվճար բժշկական ակցիա և շուրջ 300 քաղաքացի օգտվել է ծառայություններից appeared first on .