ՆԱՏՕ-ն ձեռնամուխ է եղել իր հակաօդային պաշտպանության համակարգի լայնածավալ վերափոխմանը՝ իր զինված ուժերի առջև խնդիր դնելով միաժամանակ հակազդել անօդաչու թռչող սարքերից, ինքնաթիռներից և ցանկացած ուղղությունից արձակված բալիստիկ հրթիռներից բխող սպառնալիքներին։ Սակայն, ինչպես հաղորդում է «Rapporteur» պարբերականը՝ վկայակոչելով ՆԱՏՕ-ի դաշնակցային ռազմաօդային հրամանատարության հրամանատարի տեղակալ, գեներալ-լեյտենանտ Գիյոմ Թոմային, դաշինքի հրամանատարությունը այդ ծրագրերն իրականացնելու համար լրացուցիչ ուժեր կամ ռեսուրսներ չի ստացել։ Ըստ առկա տեղեկությունների՝ 2026 թվականին ՆԱՏՕ-ն լուռ անցում կատարեց օդային տարածքի ավանդական պարեկումից դեպի լայնածավալ հակաօդային պաշտպանություն՝ միավորելով նախկինում առանձին գործող երկու առաքելություն. մեկը՝ ուղղված ինքնաթիռների և անօդաչու թռչող սարքերի դեմ պայքարին, իսկ մյուսը՝ բալիստիկ հրթիռներից պաշտպանությանը։ «Այժմ մենք ունենք միասնական առաքելություն, որն ի վիճակի է ապահովել 360 աստիճանի համապարփակ պաշտպանություն», — հայտարարել է գեներալը։