ԵՐԵՎԱՆ, 19 հոկտեմբերի – Sputnik․ Հայաստանից ԱՄՆ արտահանվող լամինատե դռների մեջ մեծ քանակի ծխախոտ է թաքցվել՝ Միացյալ Նահանգներ մաքսանենց ճանապարհով արտահանում իրականացնելու համար։ Տեղեկությունը հայտնում է ՀՀ Պետական եկամուտների կոմիտեն։ Ըստ հաղորդագրության՝ օպերատիվ տվյալներ էին ստացվել, որ Հայաստանում գրանցված տնտեսվարողը պատրաստվում է մաքսային հսկողությունից թաքցնելով, «Կարգո» բեռնային համալիրով, դեպի ԱՄՆ արտահանել խոշոր խմբաքանակի ծխախոտային արտադրանք։ Փաստի առթիվ կազմվել է մաքսային կանոնների խախտման վերաբերյալ արձանագրությունը, նյութերը փոխանցվել են ՊԵԿ իրավաբանական վարչություն։