Ամուլսարի հանքի շահագործումը մեկնարկել է, բայց դրա շուրջ պայքարը չի ավարտվել։ Հոկտեմբերի 10-ին ոսկու հանքավայրի շահագործման պաշտոնական մեկնարկից հետո բնապահպանական խնդիրների մասին քննարկումները կրկին հայտնվել են հանրային ուշադրության կենտրոնում։ Բնապահպանական ռիսկերի և ջրային ռեսուրսների հնարավոր վտանգների մասին մտահոգությունները շարունակվում են։ Հոկտեմբերի 19-ին քաղաքացիները հավաքվել են Կարեն Դեմիրճյանի անվան մարզահամերգային համալիրի մոտ՝ իրենց բողոքն արտահայտելու Ամուլսարի շահագործման դեմ։ Ակցիայի մասնակիցները պնդում են, որ հանքի շահագործումն անօրինական է, և պահանջում են ուշադրություն դարձնել իրենց բարձրաձայնած խնդիրներին։ Հավաքի ընթացքում դժգոհություններ հնչեցին նաև ոստիկանների թվի և իրականացվող ստուգումների վերաբերյալ։ Մասնակիցների խոսքով՝ իրենց ձայնը լռեցնելու փորձեր են արվում, բայց դրանք չեն կարող կասեցնել իրենց պայքարը։ Մասնակիցները նշեցին նաև, որ վաղը՝ հոկտեմբերի 20-ին, ժամը 11։00-ին, նախատեսում են նամակներ բաժանել և սկսելու են Ֆրանսիայի դեսպանատան մոտից։ Ամուլսարի շուրջ պայքարը շարունակվում է։ Մանրամասները՝ տեսանյութում։ получите доступ к эксклюзивным бонусам. Подробнее: https://www.youtube.com/channel/UCXdAEFA6DLFd-rcPYnATCRA/join Հարգելի բարեկամ Ա1+-ը քո աջակցության կարիքն ունի https://a1plus.am/hy/support