Ֆրանսիայի հարավ-արևմուտքում գտնվող Լիմոժ քաղաքում մոտ 7000 մարդ մասնակցել է երթի՝ ի հետևանք հրդեհի, որը ոչնչացրել է քաղաքի՝ 19-րդ դարում կառուցված քաղաքապետարանի շենքի զգալի մասը։ Այս մասին, վկայակոչելով քաղաքային իշխանություններին, հայտնում է Le Figaro թերթը։ Ավելի վաղ Վերին Վիեն (Haute-Vienne) դեպարտամենտի (որտեղ գտնվում է Լիմոժը) պրեֆեկտուրան հայտնել էր, որ քաղաքապետարանի շենքը մեծ մասամբ ավերվել է։ Պրեֆեկտուրան հավելել է, որ անկարգությունների մասնակիցները ներխուժել են շենք և հրկիզել այն։ «Կիրակի երեկոյան Լիմոժում յոթ հազար մարդ է հավաքվել՝ քաղաքապետարանում բռնկված հրդեհից հետո երթ անցկացնելու համար», — հայտնում է պարբերականը։ Ըստտեղեկությունների՝ հրշեջները ամբողջ գիշեր պայքարել են կրակի դեմ և միայն առավոտյան կարողացել են մեկուսացնել այն։ Նրա խոսքով՝ շենքի ճակատային մասն ու պատմական առջևի հատվածը գրեթե ամբողջությամբ ավերվել են, սակայն հրշեջներին հաջողվել է փրկել շենքի հետին հատվածը։ Լրատվամիջոցների հրապարակած կադրերում երևում է, թե ինչպես է փլուզվում կրակով պատված զանգակատունը։ –00—ՅՄ The post Լիմոժում մոտ 7000 մարդ է մասնակցել երթի՝ քաղաքապետարանում բռնկված հրդեհից հետո appeared first on 24News .