Ֆրանսիայի ազգային ոստիկանության հատուկ ստորաբաժանումը տեղակայվել է Փարիզի Հանրապետության հրապարակում։ Այս մասին հայտնել է BFMTV հեռուստաալիքը՝ հղում անելով իրավապահ մարմինների աղբյուրին։ Հեռուստաալիքի փոխանցմամբ՝ խոսքը Հանրապետական անվտանգության վաշտերի ստորաբաժանման մասին է, որը մասնագիտացած է անկարգությունների ճնշման գործում։ BFMTV-ի տվյալներով՝ անկարգությունների մասնակիցները կրկին սկսել են թալանել խանութները։ Ավելի վաղ հեռուստաալիքը հայտնել էր, որ ոստիկանությունը ցուցարարներին ցրելու համար արցունքաբեր գազ և լուսաձայնային նռնակներ է կիրառել։