Վայոց ձորի թեմի առաջնորդական տեղապահ Հոգեշնորհ Տեր Մովսես վարդապետ Սարգսյանն այսօր առաջին պատարգն է մատուցել որպես առաջնորդական տեղապահ։ Հայր Սուրբը պատարագ է մատուցել Վայքի Սուրբ Տրդատ եկեղեցում։ Սյունյաց թեմի առաջնորդ Գերաշնորհ Տեր Մակար եպիսկոպոս Հակոբյանը, ով համատեղության կարգով նշանակվել էր թեմի առաջնորդ, առաջնորդական գավազանը հանձնել է Հայր Մովսեսին։ Հայր Մովսեսն իր երախտագիտությունն է հայտնել Վեհափառ Հայրապետին, որ իրեն արժանի է դարձրել Վայոց ձորի թեմի առաջնորդական տեղապահի առաքելությանը։ «Աղոթում եմ, որ Տերն անսասան պահի Նորին Սրբության գավազանը՝ ի բարօրություն մեր սուրբ եկեղեցու ու մեր ժողովրդի»,- նշել է Հայր Սուրբը։ –00—ՅՄ The post Վայոց ձորի թեմի առաջնորդական գավազանը հանձնվեց Հայր Մովսեսին appeared first on 24News .