Փարիզը քաոսի մեջ է... Կիրակի վաղ առավոտյան Փարիզի «Place de la Republique» շրջանում փողոցները լի են եղել այրված մեքենաներով, ջարդված ցուցափեղկերով, աղբով և ավերածությունների հետքերով: Մաքրող խմբերն անցել են տարածքը մաքրելու և կոտրված ապակիները հեռացնելու գործին: Թեև ցույցերի մեծ մասն անցել է խաղաղ, մի շարք քաղաքներում (Փարիզ, Մարսել, Լիոն) տեղի են ունեցել բախումներ: Փարիզում ոստիկանության և ցուցարարների միջև բախումների ընթացքում այրվել են մեքենաներ ու աղբամաններ, թալանվել են խանութներ, իսկ ոստիկանությունը կիրառել է արցունքաբեր գազ և ջրցան մեքենաներ: Ըստ կազմակերպիչների՝ ցույցերին մասնակցել է մինչև 800,000 մարդ: Ֆրանսիայի իշխանությունները հայտնել են հարյուրավոր ձերբակալությունների մասին: