Ռուսաստանը նավթի վաճառքի հետ կապված խնդիրներ չունի, և շատ երկրներ ցանկանում են այն գնել։ Այս մասին հայտարարել է Ռուսաստանի փոխվարչապետ Ալեքսանդր Նովակը։ «Նավթի վաճառքի առումով մենք խնդիրներ չունենք, և շատ երկրներ ցանկանում են գնորդ լինել։ Սովորաբար վաճառքի պահին պայմանագիր է կնքվում․ նավթը վաճառվում է նրան, ով դրա կարիքն ունի և առաջարկում է առավել շահավետ պայմաններ։ Գիտեմ, որ Դիքսոն նավահանգստից արդեն առաջին լցանավն է ուղարկվել»,- ասել է Նովակը «Սոլովյով Live»-ի եթերում Մարինա Կիմին տված հարցազրույցում։ Նա անդրադարձել է նաև ռուսական նավթի մատակարարումները դեպի Ասիա վերաուղղելուն և Ռուսաստանում նոր խոշոր նախագծերին։