Ալբանիայի Դուրես քաղաքում ընթացող Եվրոպայի մինչև 23 տարեկանների առաջնության 85 կգ քաշային ծանրորդների պայքարում Մարտին Պողոսյանը պոկում վարժությունում ունեցավ երկու հաջող մոտեցում՝ բարձրացնելով 149 կգ և 153 կգ: Նա չկարողացավ գլխավերևում պահել 156 կգ-ը։ Այս մասին հայտնել են Հայասանի ծանրամարտի ֆեդերացիայից: Այս վարժությունում Պողոսյանը 5-րդն էր: Հրում վարժության ընթացքում մեր ծանրորդը գլխավերևում պահեց 186 կգ և երկրորդ փորձից՝ 190 կգ: Այս վարժությունում նա դարձավ արծաթե մեդալակիր: Երկամարտի 343 կգ արդյունքով Մարտին Պողոսյանը դարձավ Եվրոպայի Մ23 տարեկանների առաջնության փոխչեմպիոն: