Բելառուսի մայրաքաղաք Մինսկում անցկացվել է Լիվենցևի անվան միջազգային բռնցքամարտի մրցաշար։ Մրցաշարի հաղթող է դարձել Վրաստանը ներկայացնող ախալքալաքցի Գոռ Այվազյանը։ Վրաստանը ներկայացնող 60 կգ քաշային Գոռ Այվազյանն առավելության է հասել թվով չորս մրցակիցների նկատմամբ եւ դարձել մրցաշարի հաղթող։ Հավելենք, որ մրցաշարին մասնակցում են 8 երկրի մարզիկներ: Գոռ Այվազյանի 4:1 հաշվով առավելության է հասել մրցակցի նկատմամբ։ Գոռ Ախալքալաքի մարզահամալիրի սան է։ Նրա անձնական մարզիչն է Գագիկ Էլիզբարյանը։ Այվազյանը Եվրոպայի պատանեկան առաջնության չեմպիոն է և միջազգային մրցաշարերի հաղթող։ 2022 թվականին նա Սոֆիայում նվաճել է Եվրոպայի պատանեկան առաջնության ոսկե մեդալը, իսկ 2025 թվականին Բուդապեշտում կայացած Եվրոպայի առաջնությունում դարձել է բրոնզե մեդալակիր։ Ընդգծենք, որ Վիկտոր Լիվենցևի հիշատակին նվիրված մրցաշարը բռնցքամարտի միջազգային հուշամրցաշար է, որը պարբերաբար անցկացվում է Բելառուսի մայրաքաղաք Մինսկում և նվիրված է Խորհրդային Միության հերոս Վիկտոր Լիվենցևի հիշատակին։