Տեղական ընտրություններից առաջ իշխանությունը Դիլիջանը ներկայացնում է որպես ծաղկող քաղաք, իսկ ընդդիմությունը բարձրաձայնում տարրական անհարմարությունների մասին, որոնք ճիշտ կառավարման դեպքում, ըստ նրանց, վաղուց անցյալում կլինեին։ Նախընտրական Դիլիջանի փողոցներում միայն գործող քաղաքապետ, իշխող «Քաղաքացիական պայմանագրի» թեկնածու Դավիթ Սարգսյանի մեծադիր պաստառներն են։ Իշխանական թիմը նաև ակտիվ հանդիպումներ է անցկացնում՝ խոսելով արվածի մասին և խոստանալով շարունակել զարգացման ընթացքը առաջիկա հինգ տարում։