Մեկ տարի է՝ ադրբեջանական բանտերում պահվող հայ գերիներին ոչ մի միջազգային կառույցի ներկայացուցիչ չի հանդիպել: Նրանց մասին տեղեկությունը միայն ադրբեջանական աղբյուրներից է: Եվ պարզ չէ՝ Հայաստանի կառավարությունը բավարար ջանքեր գործադրո՞ւմ է, որ հյուպատոսական այց լինի, թե՞ ոչ, երրորդ երկրի ներկայացուցիչը Բաքվում այցելի նրանց: Այս մասին հայ գերիներին առնչվող խնդիրների, նրանց ազատ արձակելու հարցերով համաժողովում շեշտեց միջազգային ատյաններում հայ գերիների ներկայացուցիչ Սիրանուշ Սահակյանը: