Հաղորդավարներ՝ Սևակ Հակոբյան և Վեգա Անդրիասյան Հաղորդման առաջին հատվածում հյուր՝ թթխմորով հացի մասնագետ, Lusin Breads-ի հիմնադիր Անի Մելիքյանը։ Հոկտեմբերի 16-ին նշվում է Հացի միջազգային օրը։ Կխոսենք տոնի պատմության, հացի պատրաստման ավանդույթների, հացագործության մշակույթի և այս օրվան նվիրված միջոցառումների մասին։ Հաղորդման երկրորդ հատվածում հյուր՝ ՀՀ կրթության, գիտության, մշակույթի և սպորտի նախարարության Մշակութային ժառանգության վարչության, ոչ նյութական մշակութային ժառանգության պահպանության բաժնի պետ՝ Նաիրա Կիլիչյան: Հոկտեմբերի 17-ը Ոչ նյութական մշակութային ժառանգության միջազգային օրն է։ Կխոսենք Հայաստանում այս օրվա նշման, ոչ նյութական մշակութային ժառանգության պահպանության պետական քաղաքականության և 2026 թվականի նախաձեռնությունների մասին։ Այս տարի նախաձեռնությանը միացել են Հայաստանի 170 բնակավայր, 250 դպրոց ու մանկապարտեզ, 110 արվեստի դպրոց ու մշակույթի կենտրոն, 40 թանգարան ու գրադարան։ Օրվա թեման՝ Հայ մամուլի օրը։ Հոկտեմբերի 16-ին Հայաստանում նշվում է Հայ մամուլի օրը։ Կանդրադառնանք օրվա պատմությանը և դրա նշանակությանը․ 2004 թվականի ապրիլի 22-ի որոշմամբ հոկտեմբերի 16-ը սահմանվել էր որպես Մամուլի աշխատակիցների օր, իսկ հետագայում վերանվանվել Հայ մամուլի օր։ Եվ, ինչպես միշտ, հաղորդման ընթացքում՝ --Օրվա լրահոս, --Եղանակի կանխատեսում, --Քաղաքի խցանումների վիճակ, --Տարադրամի փոխարժեքներ, --«Զվարթնոց» օդանավակայանի թռիչքների ժամանակացույց, --Լավագույն երաժշտական ընտրանի, --Անմիջական կապ ռադիոլսողների հետ։