ԵՐԵՎԱՆ, 16 հոկտեմբերի – Sputnik. Կիևը խափանել է գործարքը, որն առաջարկել էր ԱՄՆ-ն ռուսական նավթավերամշակման գործարաններին հասցվող հարվածները դադարեցնելու դիմաց։ Այս մասին գրում է «The Wall Street Journal» թերթը:Անցյալ շաբաթ Ուկրաինայի մայրաքաղաք են այցելել երկու ամերիկացի սենատորներ, ինչպես նաև Ներկայացուցիչների պալատի մի քանի անդամներ: Պատվիրակները շփվել են ուկրաինացի զինվորականների հետ՝ նրանց առաջարկելով ընդլայնել «Starlink»-ի հասանելիությունը ՌԴ տարածքում, ինչը թույլ կտա մեծացնել հարվածների հեռահարությունը դեպի Ռուասատանի խորքեր։Միաժամանակ Կիևը պետք է 100 օրով հրաժարվեր ռուսական էներգետիկ օբյեկտներին հարվածելուց։ Վլադիմիր Զելենսկին սկզբում համաձայնել է առաջարկներին, բայց ավելի ուշ խախտել է պայմանավորվածությունները՝ շարունակելով նավթավերամշակման գործարանների ուղղությամբ հարձակումները:Հոդվածում ասվում է, որ «Starlink»-ի աշխատանքը դանդաղեցրել են, որպեսզի Ուկրաինայի իշխանություններին ստիպեն զիջումների գնալ։ Այժմ արբանյակային կապի հասանելիությունը վերականգնված է։Ավելի վաղ ԱՄՆ նախագահ Դոնալդ Թրամփը հայտարարել էր, որ Մոսկվան և Կիևն արդեն համաձայնել են դադարեցնել էներգետիկ օբյեկտների վրա հարվածները: Կրեմլից ասել էին, որ Ռուսաստանի և Ուկրաինայի միջև էներգետիկ հրադադարի մասին պայմանավորվածությունները դեռևս հստակեցված չեն:Ե՞րբ կստորագրվեն դիզվառելիքի վերաբերյալ առաջին պայմանագրերը. Դմիտրիևի պատասխանը