ԵՐԵՎԱՆ, 16 հոկտեմբերի - Sputnik. Ռուսաստանի բանակի «Կենտրոն» խմբավորման ուժերն ազատագրել են Դոբրոպոլիե քաղաքը։ Այս մասին հայտնել է ԶՈւ գլխավոր շտաբի պետ Վալերի Գերասիմովը միացյալ զորախմբի կառավարման օժանդակ կետում տեղի ունեցած խորհրդակցության ժամանակ, որտեղ այսօր երեկոյան եղել է ՌԴ նախագահ Վլադիմիր Պուտինը:Նրա խոսքով՝ ԴԺՀ տարածքում ռուսական վերահսկողության տակ է անցել նաև Ալեքսեևո-Դրուժկովկա բնակավայրը։ՌԴ ԶՈւ գլխավոր շտաբի պետը հայտնել է նաև, որ Ռուսաստանի բանակը սեպտեմբերի 1-ից վերահսկողության տակ է վերցրել ավելի քան 1800 քառ. կմ տարածք և 92 բնակավայր:«ԶՈւ միացյալխմբավորման հիմնական ջանքերը կենտրոնացած են Դոնբասի տարածքի ազատագրման վրա», - ասել է Գերասիմովը։Նա նաև հավելել է, որ սեպտեմբերին և հոկտեմբերի երկու շաբաթվա ընթացքում ՌԴ զինված ուժերի վերահսկողության տակ է անցել ԴԺՀ-ի մոտ 500 քառակուսի կիլոմետր տարածք և 23 բնակավայր:Խորհրդակցության ժամանակ գլխավոր շտաբի պետը նաև հայտնել է, որ ներկա դրությամբ Ռուսաստանիզինված ուժերը հարվածներ են հասցնում Ուկրաինայի էներգետիկ ենթակառուցվածքի օբյեկտներին:Նա նշել է, որ Ուկրաինայի էներգետիկ օբյեկտների ցանկը և դրանց ոչնչացման համար անհրաժեշտ միջոցները արդեն որոշված են։ՌԴ բանակն ազատագրել է 6500 ք. կմ տարածք և 310 բնակավայր 2026թ.-ի ընթացքում. ՊուտինՀիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ ռազմական հատուկ գործողություն սկսելու որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։Մարտական գործողություններն ընթանում են մինչ օրս։Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։