ԵՐԵՎԱՆ, 16 հոկտեմբերի - Sputnik. Ալբանիայի Դուրես քաղաքում ընթացող երիտասարդների ու մինչև 23 տարեկան ծանրորդների Եվրոպայի առաջնությունում Հայաստանը ներկայացնող մարզիկներից ևս մեկը հասավ հաջողության։ 75կգ քաշային կարգում Տիգրան Կարապետյանը երկամարտի 323կգ արդյունքով դարձավ Եվրոպայի առաջնության արծաթե մեդալակիր։Մեր մարզիկը պոկում վարժությունում 148 կգ արդյունքով նվաճեց ոսկե փոքր մեդալը։ Ոսկե մեդալի համար պայքարը ընթացավ մեր մարզիկի և լեհ Կոնրադ Լոզուգայի միջև։Տիգրանը երկու անգամ փորձեց բարձրացնել 181 կգ-ը, բայց երկու անգամն էլ անհաջող։ Այսպիսով` Տիգրան Կարապետյանը երկամարտի 323 կգ արդյունքով դարձավ Եվրոպայի առաջնության արծաթե մեդալակիր։