ԵՐԵՎԱՆ, 17 հոկտեմբերի – Sputnik․ Երևանում կորել է Ռուսաստանի Դաշնության 66-ամյա քաղաքացի Սվետլանա Ֆրայժին։ Նրա դուստրը` Ելենա Ֆրայժին, նամակ է գրել Sputnik Արմենիային։Ելենան նշել է, որ մայրը Ռուսաստանից Երևան է ժամանել ավտոբուսով հոկտեմբերի 10-ին և պետք է Փարիզ մեկներ հոկտեմբերի 11-ին։ Ըստ դստեր` կինը գնացել է օդանավակայան, բայց ինքնաթիռ չի նստել: Այդ օրվանից նրա հեռախոսը դադարել է աշխատել, իսկ WhatsApp-ի հաղորդագրությունները տեղ չեն հասնում։«Նրան վերջին անգամ տեսել են հոկտեմբերի 14-ին` մոտավորապես ժամը 11:00-ին, Երևանի կենտրոն ուղևորվող ավտոբուս նստելիս։ Այդ ժամանակից ի վեր նրանից տեղեկություն չկա», - գրել է կնոջ դուստրը։Ելենա Ֆրայժին խնդրել է շտապ կապ հաստատել իր հետ, եթե որևէ մեկը տեղեկություն ունի մոր մասին (նրա հեռախոսահամարը` +1 514 995 9512)։Ֆրայժիի դուստրը հայտնել է, որ ոստիկանությունն արդեն որոնում է կնոջը, այս մասին տեղեկացված է նաև Երևանում Ռուսաստանի դեսպանության հյուպատոսական բաժինը։