ԵՐԵՎԱՆ, 17 հոկտեմբերի – Sputnik. Իսրայելի բանակը կեսգիշերից հրետանային հարվածներ է հասցրել Լիբանանի հարավում գտնվող մի քանի բնակավայրերի և շրջանների: Այս մասին ՌԻԱ Նովոստիին հայտնել է լիբանանյան աղբյուրը։Նրա խոսքով՝ գնդակոծության են ենթարկվել Էլ-Մանսուրի բնակավայրը, Քֆար-Շուբայի, Մեյֆդունի և Հոդեյթայի շրջակայքը, Այթա-էլ-Ջաբալ շրջանի անտառածածկ տարածքը, ինչպես նաև Սլուկի, էլ-Խուջեյրի և Զիբկին հովիտները:Գործակալության զրուցակիցը նշել է, որ իսրայելցի զինվորականները նաև խոշոր տրամաչափի գնդացիրներից կրակ են բացել Լիբանանի հարավում գտնվող Հոդեյթա, Այտա էլ Ջաբալ և այլ շրջանների ուղղությամբ:Բացի այդ, ըստ աղբյուրի, իսրայելցիները պայթեցումներ են իրականացրել Այտա-էլ-Ջաբալ և Բեյթ Յահուն բնակավայրերի միջև ընկած հատվածում:Հիշեցնենք` թեև հունիսի 26-ին ԱՄՆ–ի, Իսրայելի և Լիբանանի ներկայացուցիչները Վաշինգտոնում պետքարտուղար Մարկո Ռուբիոյի ներկայությամբ հակամարտության կարգավորման վերաբերյալ եռակողմ շրջանակային համաձայնագիր ստորագրեցին, բայց երկրի հարավում գտնվող բնակավայրերը պարբերաբար ենթարկվում են հրետանու և ավիացիայի հարվածների:Իսրայելցի զինվորականները տներ և քաղաքացիական ենթակառուցվածքներ են պայթեցնում` հայտարարելով, որ հարվածներն իբր հասցվում են «Հզբոլլահ» շարժման հետ կապված թիրախներին՝ Իսրայելի հյուսիսը շիա դիմադրության հնարավոր սպառնալիքից պաշտպանելու համար։