Զանգվածային անկարգությունների նոր ալիք է սկսվել Ֆրանսիայում. ոստիկանությունն արցունքաբեր գազի կիրառմամբ ցրում է Փարիզում, Մարսելում և Լիոնում անցկացվող ցույցերի մասնակիցներին, որոնք իրենց հերթին քարեր և շշեր են նետում ուժայինների վրա:BFMTV հեռուստաալիքի տվյալներով՝ ցույցերին մասնակցում են աշակերտներ, ծայրահեղ ձախ ակտիվիստներ, նախկին «դեղին բաճկոնների» անդամներ, տաքսիստներ, բուժքույրեր, շինարարներ և արհմիությունների ներկայացուցիչներ: Ընդհանուր առմամբ նախատեսվում է մոտ 500 բողոքի ակցիայի անցկացում:Նշենք, որ Ֆրանսիայի ուժային կառույցները բազմիցս մեղադրվել են ցուցարարների նկատմամբ բռնություն գործադրելու մեջ: Դրվագներից մեկում ոստիկանական ռետինե գնդակի արձակման հետևանքով 15-ամյա դպրոցականը զրկվել է աչքից։ Մեկ այլ դեպքում 14-ամյա պատանին կորցրել է ձեռքը՝ գետնից բարձրացնելով լուսաձայնային նռնակ: Երկու միջադեպերի հանգամանքները շարունակում են քննվել, իսկ դրանցից հետո դադարեցվել է լուսաձայնային նռնակների որոշակի տեսակների կիրառումը։