ԵՐԵՎԱՆ, 13 հոկտեմբերի - Sputnik. Հայաստանը, Ղրղզստանը և Բելառուսը միանում են ԵԱՏՄ-ում դեղերի մակնշման թվային հարթակին։ Այս մասին ՌԻԱ Նովոստիին հայտնել են հարթակը մշակող «Սանտենս» ընկերությունների խմբից։Ներկայում իրենց մակնշման համակարգը, պահանջները, կարգավորիչները արտադրողները գրանցում են յուրաքանչյուր երկրում առանձին։ СТТ թվային պլատֆորմը (Check Track & Trace) կհամադրի այս տվյալները մեկ միասնական նշագրման կոդերի վրա հիմնված ինտերֆեյսի մեջ:Ըստ ընկերության տարածած պարզաբանման՝ ԵԱՏՄ-ում հետագծելիության միասնական տարածքի ստեղծումը արմատապես դյուրացնի վերսահմանային առևտուրը. բազմաթիվ կրկնակի ստուգումների փոխարեն ապրանքը համակարգում կգրանցվի մեկ անգամ:Հարթակն ապահովում է գործառնությունների ավտոմատ արտացոլումը բոլոր փուլերում՝ արտադրությունից կամ ներմուծումից մինչև իրացում և շրջանառությունից դուրսբերում: