Լարված իրավիճակ՝ Երևանի Շինարարների փողոցում։ Երևանի քաղաքապետարանի որոշմամբ՝ ծանր տեխնիկայով ապամոնտաժվում են առևտրի կրպակներն ու խանութները։ Առևտրականները պնդում են՝ ապամոնտաժումն ապօրինի է, և խախտում է իրենց սեփականության իրավունքը։ Իսկ քաղաքապետարանը հայտարարում է, որ գործընթացն ուղղված է ապօրինի շինությունների վերացմանն ու տարածքի բարեկարգմանը: Նախօրեին քաղաքապետ Տիգրան Ավինյանը, անդրադառնալով ապամոնտաժման թեմային, ասել էր, որ հանրային շահը միշտ գերակա է մասնավոր շահից։ Շինարարների փողոցի մայթերը, այո՛, պետք է ազատվեն բոլոր կրպակներից, և այդ ամբողջ տարածքը պետք է վերադարձվի աջափնյակցիներին ,- ասել էր Տիգրան Ավինյանը։