ԵՐԵՎԱՆ, 13 հոկտեմբերի – Sputnik. ԱՄՆ նախագահ Դոնալդ Թրամփը չի բացառել, որ ամերիկա-իսրայելական ռազմական գործողության սկզբում Իրանի ղեկավարությանը սպանելը սխալ էր։ Վաշինգտոնն այժմ չի հասկանում` ում հետ բանակցի։ Այս մասին հայտնում է «Al Jazeera» հեռուստաալիքը։ԱՄՆ նախագահը նաև հայտարարել է, որ Իրանում ստեղծված իրավիճակի պատճառով ոչ ոք չի ցանկանում դառնալ երկրի նախագահ (2024 թվականի հուլիսից պետության ղեկավարն է Մասուդ Փեզեշքիանը)։Հիշեցնենք` ԱՄՆ–ն ու Իսրայելը փետրվարի 28-ի առավոտյան սկսեցին հարվածներ հասցնել Իրանին։ Սպանվեցին երկրի գերագույն հոգևոր առաջնորդ այաթոլլա Ալի Խամենեին ու նրա կինը, Իրանի զինված ուժերի գլխավոր շտաբի պետ Աբդուլռահիմ Մուսավին, պաշտպանության նախարար Ազիզ Նասիրզադեն, Իսլամական հեղափոխության պահապանների կորպուսի (ԻՀՊԿ) հրամանատար Մոհամմադ Պակպուրը և պաշտպանության խորհրդի քարտուղար Ալի Շամխանին: Մարտի 18–ին հայտնի դարձավ, որ սպանվել են նաև Իրանի գերագույն ազգային անվտանգության խորհրդի քարտուղար Ալի Լարիջանին, նրա որդին ու հատուկ օգնականը` Մորթեզա Լարիջանին։ Իրանը մարտի 1–ից պատասխան հրթիռային հարվածներ էր հասցնում Իսրայելի տարածքին, ինչպես նաև Մերձավոր Արևելքում գտնվող ամերիկյան ռազմական օբյեկտներին: